德田生活足跡

今次依篇blog係我實在忍唔住要係巴士上寫出來！

話說今日就同平時一樣座巴士返工啦！ 到新港城都好好地，點知有個中年四十幾的男士上左車後，第一樣全車人都有反應的事，就係佢咳到連訓左覺的人都會轉個頭看看發生咩事，而座係佢右前方的我，直頭想跳窗走人！佢果種咳法, 真係俗語所謂 [咳到甩肺無命陪] !!!

好彩咳左十秒左右就停左，心想可以安樂休息下啦，兩分鐘唔夠，又聽到怪聲，當我想反應之時，全車人的目光都向我的左後方而來，而今次唔係咳聲,而係比舊式火車更強勁的鼻鼾聲,而係鼻鼾聲之中又夾雜住鼻腔分泌物的聲音, 聽到都覺得佢辛苦,而我地同車的就更辛苦,因為鼻鼾聲大到向前數十個位的人都會轉頭看看邊個可以發出D咁強勁的聲音,我只好開大聲D個電台希望可以不受影響,但我實在太低估左佢依把低沈鼻鼾聲,加上佢就座係我的左後方,重低音直達耳邊,聽耳筒都無符,內心開始想像依位先生晚上的境況!

晚上佢係一個人訓定係同老婆訓呢??? 佢會唔會有睡眠睡眠窒息症,應唔應該叫佢睇下醫生呢?

慢慢就開始靜下來,原來佢係北角落車,終於可以享受靜靜的返工旅程!!!

德田NLP迷思之V人

好耐無再寫文,就係因為要親身去觀察V型人,今次就同大家分享下V.A.K.AD.中的V人

V  (Visual) 型人﹕

即是視覺型人,他們的眼球經常轉動,處理世界既事情都先用眼去睇,

他們非常重視外表配搭打扮,如果有朋友仔是對衣著一絲不苛就好大可能是V人了

他們喜愛以視像接收訊息，以圖表、影像、影片、相片等來接收訊息,對數據敏感,講求證據。

說話速度比較快•比較喜歡保持地方、衣著的清潔及整齊,通常都有潔癖,如果有個V人呀媽或老婆,就祝你好運啦!!

佢地鐘意有變化既野, 節奏要明快,同一時間兼顧幾樣野,在乎事情既重點,不在乎細節,所以V型既人既學習能力非常高。

想和V型人溝通?

你就要說話應簡短, 講野一開始就入正題, 多做示範用手勢配合說話來吸引他們視線, ,用圖畫,圖表,相片表達圖像色彩鮮艷就更好。

新年第一個工作天

新一年第一個工作天，返工唔知點解有一種迷惘的感覺，吾知幾時開始安於現狀，吾知幾時開始被別人感染了，我以前引以為傲的創意，解決難題的決心去了那兒？
係唔係因為要因應別人的步伐而令到自己都慢了下來？
看來我的內心察覺到係時候了！
係好巧合的安排下去了聽黃毅力先生的講座，當中的話都是一些黃生的親身經歷，直至問答環節，他的一句話！
聽完後我醒覺了，我又犯了同一錯誤，太感情用事，用太多時間去改變一班安於現狀的人！
我喜愛我的專業，我喜愛設計，我喜愛交流，愛分享，只是大家目標不同，要求不同！
看來，我需要調整一下來年的目標，不要原地倒退，我有更高更遠的目標，要比以前跳得更高更遠！