《窮富翁大作戰Ⅱ》

早前返屋企見到電視做緊《窮富翁大作戰Ⅱ》
而依個節目的富翁身體力行去體驗窮人生活後,見到有人後走去扶助窮人,實在係好開心,記起我小時候都住過比板間房大一點的房間,一戶4間房,空間就只有一個只可放14吋電視的鞋櫃,一張分上下兩層的床, 活動空間就只有約1米X 1.5米,當時屋企收入唔多,餐餐都由媽咪煮飯,去街市買送時,都要精打細算10蚊餐已經好好味,仲記得果時食港式快餐的炸雞比飯,已經非常滿足,食一餐冰室的鐵板餐已經係夢想.

上小學後屋企環境好左好多,一個月一餐鐵板餐已經唔難,住屋環境好左,但我唔會忘記小時候的日子,而小時候的經歷令我明白到,只要努力一定有出頭,上天唔會安排絕路比上進的人!!

上一輯窮富翁大作戰睇住依班窮富翁去體驗窮人生活時,發現一個現象,就係窮富翁有一項窮人無的技能!!!!  

就係富翁必然會有的 知識 和 心理素質 !!!

富翁只需要過幾日的窮人生活,心理上的壓力比一班知識,經驗不足,心態已經很負面的窮人輕好多!

好喜歡田北辰先生所說的一句:

(縱使再聰明絕頂的人坐在冷氣房內不斷閉門思索，也永遠不會體會到窮人的真正困苦。)

當你未體驗過窮人生活,只以商業角度出發,只賣中高利潤產品時…..

有無想過窮人的衣食住行有誰去照顧呢?????