德田飲食誌

第一次寫飲食誌，今次就同大家試下依間年紀可能大過你同我的「廣成冰室」，依間冰室為於上水的一條小行，最出名的就係紅豆冰同牛肉通。

 早在十月時已經來過一次，但太多人啦！成幾十人係門囗，所以食唔到，今次就四點幾到，剛好有两個位，佢本身就有個$24茶餐，包一杯飲品，牛肉通同雞蛋三文治。

 因為想試試杯傳說中的紅豆冰所以就無叫餐，只係叫左牛肉通同紅豆冰！

 等緊野食時，因為職業病關係當然要欣賞下咁有味道的裝潢啦！完全係七八十年代的設計，細磁磚地面，青綠色幻影防火板木枱面，配上同款木椅，加上不鏽鋼吧枱全都係小時候小弟的冰室回憶。

首先到的就係紅豆冰，杯紅豆冰的冰勁得意，想像一下有一雪糕杯形狀的冰倒插在紅豆冰的杯上，試飲下先！感覺就好像紅豆沙底加上淡奶，都叫幾好味！但點解枝飲管咁幼飲得d都唔爽呀！

如果有枝粗飲管，點只味覺呀，感覺都會有十分的滿足！

等到碟牛肉通啦！牛肉都幾新鮮而所用的係細通易入味，加上小量胡椒粉，令通粉同牛肉的味道進入更高的層次！算係水準之上但個人就覺得唔值得花超過40分鐘去等食依碟通粉！